Komisioni për Legjislacion i Kuvendit të Kosovës ka vizituar sot grevistët e gjykatave dhe prokurorive të cilët janë duke mbajtur grevë që 6 ditë në Pallatin e Drejtësisë.
Kryetarja e këtij Komisioni, Albulena Haxhiu ka shkruar në Facebook se deri në këtë kohë grevistët nuk ka shkuar për t’i takuar as ministri i Drejtësisë, Abelard Tahiri, përcjell arbresh.info.
Ajo ka bërë të ditur se nesër në ora 12:00 janë pajtuar që të presin kryetarin e sindikatës së punëtorëve, ministrin e Drejtësisë, kryesuesin e KGJK-së dhe atë të KPK-së.
Postimi i plotë:
Sapo përfunduam vizitën në pallatin e drejtësisë. Qëllimi i kësaj vizite me disa nga anëtarët e Komisionit, ishte njoftimi për së afërmi me kërkesat e tyre.
U njoftuam poashtu që deri në këtë kohë, askush nga niveli qeveritar nuk ka shkuar për t’i takuar madje as Ministri i Drejtësisë, Abelard Tahiri.
Kërkesat e tyre kishin të bënin me:
– ngritja e pagave me qëllim të kthimit të dinjitetit të punëtorëve
– rregullimi i statusit të veçantë të tyre
– përvoja e punës
Kërkesat e tyre janë të drejta, andaj edhe ofruam mbështetjen e Komisionit dhe të njëjtat duhet të jetësohen sa më parë.
Pas këtij takimi u dakorduam që neser ne oren 12:00, të presim në Kuvend z. Naim Shala – kryetar i sindikatës, Ministrin Abelard Tahiri, kryesuesin e KGJK, Nehat Idrizi dhe atë të KPK, Blerim Isufaj.
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...